Долоо хоног тутам бид хамгийн чухал криптовалют болон блокчэйний тухай мэдээ цуглуулдаг. Мэдээлэлтэй хүн зах зээлд амжилт гаргаж чаддаг шүү дээ.

Өнөөдөр бид урам зориг олгосон крипто рекорд, Сальвадор улсын төр засгийн байгаль орчинд ээлтэй BTC олборлолт, Coinbase болон Twitter-ийн блокчэйны шинэ үйлчилгээнүүд, зоосны арилжаанаас 30% ашиг олсон авьяастай шишүүхэй-трейдер болон бусад мэдээний тухай ярих болно.

Швейцарьт хууль ёсны дагуу батлагдсан анхны хөрөнгө оруулалтын крипто сан байгуулагдлаа

Санхүүгийн зах зээлийн аюулгүй байдлыг хангадаг Швейцарийн зохицуулагч байгууллага FINMA тус улсын хууль тогтоомжийн дагуу байгуулагдсан анхны крипто хөрөнгө оруулалтын санг бүртгэхийг зөвшөөрчээ. Энэхүү сангийн нэр Crypto Market Index Fund, тэр криптовалютад хөрөнгө оруулдаг бөгөөд тухайн орон нутгийн хууль тогтоомжид заасан шаардлагын дагуу мэргэжлийн хөрөнгө оруулагчидтай хамтран ажиллахаас татгалздаг юм.

FINMA-ийн мэдээлснээр, тус байгууллага санхүүгийн салбарт шинэ технологи нэвтрүүлэхийг дэмжиж байгаа юм. Гэсэн хэдий ч тэрээр хөрөнгө оруулалтын санг залилан мэхлэх, криптовалютаар дамжуулан хууль бусаар олсон мөнгө гаргаж авахтай холбоогүй болохыг шалгаж, төрийн байгууллагуудад байдаг удааширсан шинж чанартайгаар энэ ажлаа явуулж байна.

Сальвадор галт уулын эрчим хүч ашиглаж биткоин олборлоно

Сальвадорын ерөнхийлөгч Найиб Букеле криптовалют олборлоход сэргээгдэх эрчим хүчний эх үүсвэрийг ашиглах төсөл хэрэгжиж эхэлсэн тухай жиргээ нийтэлжээ. 

«Эхний алхмууд» нийтлэлд галт уулын бэлд байрлах цахилгаан станцын бичлэгийг хавсаргасан байв. Түүнд майнинг явуулах техник авчраад, дараа нь түүнийг ажиллуулж эхэлжээ. Энэхүү төслийг «Вулканод» гэж нэрлэдэг бололтой.

Энэ зун тус улс биткоиныг албан ёсны мөнгөн тэмдэгтээ болгон зарласан бөгөөд энэ явдал АНУ-ын эрх баригчид болон олон улсын зохицуулах байгууллагуудад таалагдаагүй юм. Өмнө нь тус улсын иргэд доллар ашигладаг байжээ.

Криптовалют хэрэглэгчдийн тоо 300 сая хүн давсан байна

Дараагийн таван жилийн турш нийт блокчейны зах зээл жилд 56% өсөх төлөвтэй байна.

TripleA компанийн шинжээчдийн хийсэн судалгаагаар 18 мянга гаруй бизнес эрхлэгчид блокчэйн-зоосоор төлбөрөө хүлээн авч эхэлсэн байна. Иймэрхүү төрлийн төслүүдийн хөрөнгө оруулалтын үр өгөөж гурван зуун хувийн түвшинд байна. Энэ бол зөвхөн эхлэл: 2012 оноос 2021 он хүртэл биткоины капиталжуулалт 540000% өссөн, харин зөвхөн 2020 онд BTC болон бусад зоосны олон улсын шилжүүлгийн хэмжээ 95 тэрбум долларт хүрсэн байна.

Криптовалютын бүтээгдэхүүн болон үйлчилгээг худалдаж авдаг хамгийн идэвхтэй хэрэглэгчид Энэтхэг, АНУ, Нигери, Вьетнам, Их Британид амьдардаг. Тэдний ихэнх нь эрэгтэйчүүд байна; эмэгтэйчүүд нийт зоос эзэмшигчдийн дөнгөж 21% эзэлдэг. Крипто зоос эзэмшигчдийн 58% нь 34-с доош насны хүмүүс бөгөөд 82% нь бакалаврын зэргийн боловсролтой. Сонирхолтой нь, “крипта”-ийн 36% жилийн 100,000 доллараас дээш орлоготой байж чадаж байна.

Coinbase бирж америкийн үйлчлүүлэгчдэд криптовалютаар цалин авах боломж олголоо

Цалинг бүхэлд нь эсвэл түүний тодорхой хэсгийг блокчэйн зоос руу автоматаар шилжүүлэх боломжтой болно гэж үзэж байна.

Шинэ үйлчилгээг холбосон хэрэглэгчдийн хувьд бирж үйлчилгээнийхээ хүртээмжийг хялбарчилж, гүйлгээний шимтгэлээ бууруулна гэж амлаж байна. «Коинбэйс»-ийн багцаас ямар ч криптовалютаар фиат мөнгө солих боломжтой болно. Хүлээн авсан дүнд (хөрвүүлэх аргаас хамааран) хүү тооцогдож болох тул энэхүү санал энгийн хөрөнгө оруулагчдыг ч гэсэн татах чадвартай юм. Ойрын хугацаанд Fortress Investment Group, M31 Capital, Nansen, SuperRare Labs компаниудын бүх ажилчдад ийм хөрвүүлэлтийг туршилтаар ашиглах боломжийг олгохоор төлөвлөж байна. Гэхдээ та долларыг блокчейн-зоос болгож хөрвүүлэх ажиллагааг яг одоо ухаалаг гар утасны Coinbase аппаар тохируулж болно.

Шишүүхэй-трейдер гурван сарын дотор 30% ашиг оллоо

Тэр ашгийн хувьд Уоррен Баффет ба Америкийн таван зуун том компаниудын хувьцааны үнийн S&P 500 индексийг ардаа үлдээлээ.

Мистер Гокс хочтой герман шишүүхэй тусгай торны дотроос «крипта» арилждаг. Амьтны шийдвэр гаргах явц Twitch-сувгаар шууд гардаг. Бичлэгээс харахад шишүүхэй эхлээд «санааны хүрд» дээр байгаа 30 нэр дотроос валют сонгодог, тэгээд дараа нь «худалдан авалт» эсвэл «борлуулалт»-ын хонгилоор гүйгээд 20 евро хэмжээний стандарт гүйлгээ хийдэг. Хэдэн сарын дотор ийм гүйлтүүд шишүүхэйний эздэд (хоёр хүн байдаг, хэн гэдэг нь тодорхойгүй) 63 доллар авчиржээ. Шишүүхэй ба түүний эздийн анхны хөрөнгө 390 доллар хүрэхгүй хэмжээтэй байжээ.

Twitter криптовалют ашиглан уран бүтээлчдэд донат өгөх үйлчилгээ танилцууллаа

Одоо энэхүү олон нийтийн сүлжээ Tips («цайны мөнгө») товчлууртай боллоо. Түүний тусламжтайгаар биткоин шилжүүлж дуртай аккаунтын уран бүтээлчдээ талархал илэрхийлэх боломжтой.

Донатын тусламжтайнаар монетизаци хийх үйлчилгээ (эхний хувилбартаа – фиат мөнгөөр) таван сараас хойш туршигдаж байна. Тун удахгүй тэр төрөл бүрийн үйлдлийн системтэй ухаалаг гар утасны хэрэглэгчдэд хүртээмжтэй болно. Олон нийтийн сүлжээ шинэ үйлчилгээнээс ашиг олохгүй: түүний төлөөлөгчдийн хэлснээр төв офисд криптовалютын шилжүүлгийн шимтгэл нэвтрүүлэх төлөвлөгөө байхгүй. Ойрын хугацаанд «Твиттер» өөрийн хэрэглэгчдийн NFT цуглуулгыг танилцуулах боломж гаргана гэдэгт инсайдерууд итгэлтэй байна.